Kinabukasan nagising si Isla na tulala pa rin. Wala siyang ganang lumabas ng kwarto. Nanatili lamang siya sa loob habang tinatanaw ang mga namumulaklak ng mga orkids. Nag-aalala rin si Faroda sa kanya at dinalhan na lamang siya ng pang-agahan sa loob ngunit hindi niya pa rin ito ginagalaw sa halip uminom lamang siya ng tubig.
Nag-aalala siya sa kanyang kalagayan ngayon na nagdadalang-tao pala siya. Nasa kanya naman ang lahat-lahat ngunit hindi niya mapigilang hindi maitanong sa kanyang sarili kung ito ba ang nararapat sa kanya... isang lihim.
Napahawak siya sa kanyang tiyan bagama't hindi pa ito umuumbok ay isa lang ang ayaw niyang mangyari at iyon ay maging isang lihim ang kanyang anak. Kung siya ay kaya niya pang matanggap ngunit ibang usapan na kung pati ang maging nasa kanyang sinapu
