Nakatayo lamang si Isla sa labas ng kwarto ni Clay, ngunit tila hindi siya naroon. Ang kanyang mga daliri ay bahagyang nakatiklop, waring handa nang kumatok, subalit hindi niya itinuloy. May bumabagabag sa kanyang isipan—ang itinawag ni Matthias kay Clay kanina.
"Carson?" Mahinang bulong niya, kasabay ng pagkunot ng kanyang noo.
Paano? Paano niya hindi alam ito? Kasal na sila, magkasama sa iisang bubong, ngunit ngayon lang niya narinig ang pangalang iyon. Isang malamig na pakiramdam ang gumapang sa kanyang dibdib, parang may kung anong piraso ng puzzle na biglang nawala sa kanyang kamay.
Bahagyang bumigat ang kanyang paghinga habang dahan-dahan niyang ibinaba ang kamay na dapat sana'y kakatok. Hindi niya naisip noon na maaaring screen name lamang ang pangalang "Clay." At ngayon, hindi n
