Six years ago . . .
Isang matinis na tunog ng kamaong tumama sa panga ang sumapol kay Clay, at bago pa siya nakapag-react, natagpuan niya ang sarili niyang bumagsak sa malamig na sahig. Lasang bakal at dugo ang sumabog sa kanyang bibig. Ramdam niya ang kirot na kumikirot sa bawat t***k ng puso.
Mabilis lumapit ang kanyang ina, nakayuko at nanginginig ang kamay habang sinusubukang alalayan siya. Sa gilid ng kanyang paningin, nakita niya ang mga mata nito—hindi galit, pero mabigat, parang bitbit ang bigat ng buong mundo. Walang salitang lumabas sa mga labi nito.
Nakatayo sa harapan ang kanyang ama, halos nanginginig sa galit. Namumula ang mukha, nanlilisik ang mga mata, at nakasuntok pa ang kanang kamay na dumapo sa kanya kanina. Sa pagitan ng bawat hingal nito, naririnig niya ang matalim
