Nang sumunod na umaga’y nagising si Keith bago tumunog ang alarm niya sa cellphone. Pagdilat pa lang ng mga mata, umikot siya sa likuran. Napangiti siya. Totoong hindi nga siya nananaginip. Katabi niya si Irish at ngayon nakahiga itong patagilid na nakaharap sa kanya. Ang haligi ng mga unan na pinangharang ng dalaga kagabi ay naglaho na sa kanilang pagitan at ngayo’y tahimik na nakahimlay sa paanan ng kama.
Ilang sandali pa niyang pinagmasdan ang dalaga. Wala naman siguro siyang nilalabag sa kontrata kung titigan niya ito habang natutulog. Kailangan lang niyang bantayan ang mga kamay niya upang hindi maglakbay sa mukha nito, gayon din sa balikat at braso. Gayunman, sa parteng ibaba ng kanyang puson ay wala siyang kontrol. Kung gaano siya kapayapa, ganoon naman kagalit ang dakong iyon ng k
