Sa nangyari, ay tila nagising sa katotohanan si Brendan. Parang pinipiga ang kanyang puso habang nakikita ang pagpatak ng mga luha ni Allison kanina. Alam niyang nang mga oras na iyon ay nasaid na niya ang pasensya ng dalaga.
Bumalik lahat sa isip niya ang sinabi ni Allison. Wala siyang kwentang kapatid. Selfish siya. Nasapo niya ang kanyang mukha. "What have I done?"
Hindi pa rin kumikilos si Carter sa kung saan siya huling nakatayo nang tuluyan nang makaalis si Allison. Nilapitan ito ni Brendan.
"Walang kasalanan si Allison, bro. It's all my fault," wika ni Brendan pagkalapit na pagkalapit niya sa kapatid.
Isang suntok ang pinakawalan ni Carter, sapat na upang dumugo ang ilong ni Brendan. Bumagsak ito. Mabilis niya itong itinayo at kinuwelyuhan.
"Sige, ibuhos mo lahat ng galit mo
