Just Another Woman
Chapter 35
"Kamusta ka na Veronica?" masayang tanong ni Miggy, nakahawak siya sa braso ng kanyang chinitong boyfriend na si Dexter, habang nakatingin siya sa magandang binibini na si Veronica.
"Ok naman kahit busy sa trabaho. Ikaw? Kayo? Kamusta na?" ngiting tanong ni Veronica, papasok na sila sa loob ng bahay. Agad nila narinig ang malakas na tugtog at marami na rin mga tao sa loob. Akala niya ay simpleng handaan lang 'yun pala ay bongga.
"Going strong! Ang dami palang bisita ni Joven. Tara ayun si Monica." sabi ni Miggy, nilapitan nila si Monica, na abala sa pakikipag-usap sa mga kaibigan nito.
Isang malapad na ngiti ang lumitaw sa magandang mukha ni Veronica, habang naglalakad siya papalapit sa kanyang kaibigan na si Monica, kasama niya sila Dexter, at Miggy.
