"Lumayo ka sa akin, huwag mo akong yakapin. Dahil kung tutuusin. Walang ibang may kasalanan nito at dapat sisihin kung hindi ikaw," paninisi nito sa kaniyang asawa at pilit na tinatanggal ang kamay ni Troy na nakayakap sa kaniyang katawan. Habang lumuluha ito.
"Andrea, patawarin mo ako. Pero maniwala ka. Ginawa ko ang lahat para makarating agad sa 'yo at higit sa lahat hindi ko rin 'to ginusto," paliwanag naman ni Troy na namumula ang mukha at napapaiyak na rin habang ramdam na ramdam ang sakit sa kaibuturan ng kaniyang puso.
"Kung paulit-ulit mong sasabihin na patay na ang anak ko. Hindi ako maniniwala hanggang hindi ko mismong nakikita ang bangkay ng anak ko," pagpupumilit na saad muli ni Andrea.
"Alam kong mahirap tanggapin. At paniwalaan. Pero, Andrea. Mas lalo kang mahihirapan. Kun
