CENTRY JUNGLE:
Matapos ang labing limang minuto ng paghihintay nila kay Keplter na matapos sa kanyang pagmumuni at pagpapahangin sa labas ay tumayo na ito at humarap kila Chief Lee. Pumasok siya sa kuweba at napahinto siya nang makita niyang gising na pala si Master Lua.
“Bakit hindi niyo kaagad ako tinawag, gising na pala siya?” tanong ni Keptler kila Chief Lee habang nakatingin din sila Chief Lee sakanya tsaka gumilid si Keptler para sumandal sa pader ng nakatayo.
“Kanina pa ‘yan gising, ayaw ka lang niya abalahin sa pagpapahangin mo sa labas,” sagot ni Chief Lee kay Keptler na katapat niya lang din at nakatayo sa kabilang pader ng kuweba.
“Kaya nga, ba’t hindi niya ako tinawag?” inis na tanong ni Keptler dahil hindi naman nasagot ang kaparehas na tanong niya noong una.
Tumahimik na
