"ITO na ang huling beses na maglalasing ka, Maya," wika ni Brad sa dalaga pagkatapos niya itong marahang ihiga sa kama nito. "Hindi na kita papayagan kahit anong okasyon pa iyan. Unang beses mong uminom, hindi ka na agad marunong magkontrol. Buti nga nandoon ako kung hindi baka kung ano ang nangyari sa iyo."
"Hmp!" anang dalaga. "Ang dami dami mo namang sinasabi. Para ka talagang tatay kung makapagsermon." Hindi pa rin nito mamulat ang mga mata.
Inalis ni Brad ang suot nitong sapatos.
"Dito ka lang, kukuha ako ng towel para mapunasan ka. Kukuha rin ako ng mainit na tubig para mainitan ang sikmura mo," wika pa ni Brad. Akmang tatayo siya nang hawakan ni Maya ang kanyang kamay.
"Dito ka lang. Huwag mo akong iwan," wika ng dalaga. Pumatak ang luha nito habang nakapikit pa rin. Nanatili n
