Chapter 16.2
Nanatiling nasa bahay pa rin si Thalia at dahil wala naman siyang ibang gagawin sa maghapon, ay nanonood siya ng yoga class. Sinasabayan na rin niya ito. Kinonsulta niya muna ito sa kanyang Doktor kaya naman nang payagan siya nito ay kaagad siyang naghanap ng mga courses and videos online. Hindi rin naman niya pinupwersa ang sarili. Kung ano lang ang kaya niya, at madalas din naman ay thirty minutes lang kung mag-exercise siya dahil nagugutom siya kaagad.
Suportado naman siya ni Liu sa trip niyang gawin. Binilhan pa nga siya nito ng yoga mat, yoga ball at mga outfit na pang-yoga. Madalas pa nga siya nitong panoorin kapag naka-work from home ito.
Si Selene din naman ay madalas na kung umuwi sa bahay kaysa sa condo nito. Tuwang-tuwa kasi ito sa tiyan ni Thalia na
