Abala ako sa paglilinis ng mga muwebles sa sala nang bigla akong makarinig ng sigaw galing sa taas.
“Cassandra!” dinig kong sigaw ni Anthony galing sa taas. Dali-dali kong niligpit ang basahan at agad na umakyat sa taas papunta sa kwarto niya. Wala pa kasi rito si Madam kaya apat lang kami nila Ate Flor, Joy, Kuya Cardo, at Anthony ang nasa mansyon.
Kumatok muna ako bago pumasok sa loob. Nadatnan kong sobrang kalat ng mga gamit ni Anthony sa loob. Nabasag narin ang ibang gamit niya kaya nabahala ako at agad siyang nilapitan.
“Ayos lang po ba kayo, Sir?” tanong ko.
Ngunit laking gulat ko na lamang ng bigla niya akong hinawakan ng mahigpit sa braso.
“Where did you put it?” galit niyang tanong sa akin. Hindi ko rin naman alam ang ibig niyang sabihin.
“Ang alin po—”
“Where?” ulit niyang
