Tatlong araw na simula noong maka-uwi kami galing sa camp, at tatlong araw narin na mag-isa lang ako rito sa bahay. Nakakalungkot din pala na wala dito sina Tiya Linda at Tiyo Gilbert. Mas mabuti na 'yong may sumisigaw sa akin dito keysa naman wala akong maka-usap.
Palagi akong kinakamusta ni Belle at niyayaya na pumunta sa kanila ngunit natatakot naman akong iwanan ang bahay dahil noong isang gabi ay parang mayroong gustong manloob dito. Natatakot na nga akong matulog dahil sa nangyaring 'yon kaya minabuti ko nalang na hindi matulog para magbantay.
Pasado alas-onse na ng gabi ngunit dilat na dilat parin ang mga mata ko habang nanunuod sa telebisyon na hindi ko naman maintindihan ang palabas. Panay din ang tingin ko sa aking cellphone dahil nagpapaunahan sina Belle at Luke sa pag text sa
