CHAPTER 17
*Zack*
Umuwi ako ng bahay at wala na ang mga magulang ni Aileen. Naabutan ko na lang si Nanay na nagliligpit ng mga ginamit na baso kanina. Tinitigan ako ni Nanay at napabuntong-hininga na lang ako.
“Walang kasalanan ang bata, Zack. Kaya alam kong ginawa mo lang ‘yon para sa kapakanan ng bata,” nakakaunawang wika ni Nanay.
“Handa ko siyang tulungan para sa bata pero hindi ko siya pakakasalan,” wika ko.
Lumabas si Tatay mula sa kusina at umupo sa upuan sa sala. Bumuntong-hininga siya. “Hindi sila papayag na walang kasalang magaganap. Kahit ibenta ko pa ang kalabaw at lupa natin ay ayaw pa rin nila,” tila bigong wika ni Tatay.
“Pasensya na po,” malungkot kong wika at napayuko.
Handa nilang isakripisyo ang kaisa-isahang kalabaw namin at maliit na lupa para lang hindi ako m
