Pinaglaruan ni Julia ang hawak na magazine habang hinihintay nila ang pagbaba ng lalaking hinihintay nila. Gusto raw siyang ipakilala ng kaniyang ama sa isang kaibigan nito sa negosyo at posibleng makatulong sa kanila sa panibagong simula. Mukhang tinanggap na nga talaga ng kaniyang ama na hindi na maisasalba pa ang kanilang kompanya kaya nag-isip na lang ito ng bagong negosyo.
“Mr. Castillo, pababa na po si Sir.”
Tumango ang kaniyang ama sa maid.
At ilang sandali pa’y natanaw na nila ang lalaking pababa sa hagdan. Napakunot ang noo niya. He looks young. Sa tingin niya’y hindi nalalayo ang edad nito kay Rob. Ang akala kasi niya ay kasingtanda ng daddy niya ang ipakikilala nitong kaibigan.
Ang ipinagtataka lang niya, gaano ba siya kahalaga sa pag-uusapan ng mga ito at kailangan pa siy
