MAHIGPIT na nagbilin si Julia sa yaya ni Jacob bago sila umalis nang umagang iyon. Gustuhin man niyang mag-stay na lang sa bahay para alagaan si Jacob, kailangan pa rin niyang pumunta sa restaurant para sa gagawing event doon. May sakit kasi ang ipinalit niyang manager at ayaw namang pumayag ng kliyente na hindi sila ang mismong makakausap at hindi assistant lang. Nagpresinta naman si Rob na ihatid na lang siya roon at sa pag-uwi nama’y ipasusundo na lang siya nito.
“I can bring my car naman. Baka ma-late ka na sa meeting mo kung ihahatid mo pa ako,” aniya kay Rob. Magkaiba kasi ang ruta ng kinaroroonan ng restaurant niya kaysa sa venue ng meeting ni Rob kasama ang team nito para sa panibagong project.
“Wife, please just let me do this. Hindi naman magsisimula ang meeting na ‘yon kung wa
