Humilata na si Ryuuji sa kama niya. Natulog siyang nakangiti habang nasa isip si Ashiya. Sana, maaari niyang ibalik ang nakaraan. Kung saan masaya pa silang lahat.
* * * *
Hindi pa rin makapaniwala si Ashiya sa mga nangyari. May binaril sa harapan niya, nakita niya ang duguan nitong katawan kaya hindi nawala ang panginginig niya kagabi. Takot siya sa dugo. Pero bukod doon, sumasakit ang ulo niya dahil hindi siya sanay na uminom ng alak. Pumasok pa rin sila ni Natzume kahit masama ang kaniyang pakiramdam.
"Okay na po ba ang pakiramdam niyo, Miss?" tanong sa kaniya ni Natzume.
"Yeah. I'm fine. Pero paano ako nakapunta sa kuwarto ko? Binuhat ba ako ng Daddy mo?"
"Hindi po. Si Young Master Ryuuji ang bumuhat sa inyo."
Namilog ang mga mata ni Ashiya sa narinig. Binuhat siya ni Ryuuji? Mab
