"Nasaan na kaya si Miss Ashiya?" tanong ni Natzume kay Shin. Hindi kasi niya nakita ang dalaga noong bumaba sila sa barko.
"Baka kasama ni Jeronne. Hayaan mo na siya, malaki na iyon." Sumimangot siya sa sagot ni Shin kaya humagalpak ito ng tawa. "Ito naman, hindi na mabiro. Tara na, hanapin na natin."
Nakita naman nila kaagad si Ashiya, nakaupo ito sa buhanginan. Tahimik silang lumapit sa dalaga. Iba ang awra nito, puno ng kalungkutan kahit napaliligiran ito ng magagandang bagay sa paligid nito.
"Okay lang po ba kayo, Miss?" Tiningnan siya ni Ashiya, namumugto ang mga mata nito.
"I'm okay. Just leave me alone."
Tumingin si Ashiya sa dagat at parang wala pa rin ito sa sarili. Gusto niya itong samahan pero hinila siya paalis ni Shin. Sundin na lang daw ni Natzume ang utos sa kaniya, muk
