ALEXIS ALEJO
"Iligtas niyo si Hanna!" Natatarantang tili ni Mrs. Altamonte sabay turo sa nakasaradong pinto na pinasukan ng babaeng pangahas!
Lalong naalarma kami kaya naman ay pinag-sisipa ni Joanna ang pintuan. Marahan kong kinalas ang braso ni Rhianne na nakakapit sa akin na napatingin sa mukha ko, muli kong binalingan si Terrence.
"Ikaw na ang bahala sa kanya." Ang sabi ko sabay tayo.
Agad akong lumapit kay Joanna upang tulungan ito! Sabay naming tinadyakan ang pinto ng ubod lakas, dalawang beses namin iyong ginawa dahilan upang masira't lumagabog iyon sa pagbukas!
Pumasok kaming dalawa, ako ay dumiretso sa bukas na balkonahe samantalang hinagilap naman ni Joanna ang switch ng ilaw dahil madilim ang loob ng silid! Nang pumutok ang liwanag sa kabuuan ng silid ay walang Hanna kamin
