XXXI.
LABIS ANG SAYA ni Hope na kasama niya ang mga kaibigan niya. Kagabi ay ginanap na ang kaarawan niya sa bahay nila. Ipinagpatuloy na lang niya rito kasama ang mga kaibigan niya sa isang pangpribadong resort na tanging sila lang ang nandoon. Pagmamay-ari ito ng isa sa mga kapatid ng ama niya.
Habang nagpapahinga, umiinom ng alcohol ang mga kaibigan nilang lalaki. Sinusubukan din ni Hope na uminom kahit na kunti para hindi naman siya mabagot. Tiningnan niya si Lady na nasa harapan niya. Gusto niya lang sana makipag-usap dito. Ngunit hindi na niya iyon itinuloy nang mapansin niyang ang tahimik nito. Sa tingin niya ay may iniisip ito. Gusto man niya itong tanungin pero mas nanaig sa puso niya na hayaan na lang ito.
Sinubukan niyang abutin ito ng inumin pero umayaw ito. Napangiti na la
