Lyndon
Malalim akong nagpakawala ng buntong hininga nang makita ang laman ng folder na binigay sa akin ni Charlie. Tiniklop ko iyon at tinabi sa gilid.
Tiningala ko si Charlie. Pinagsiklop niya ang mga kamay sa kaniyang harapan pagkatapos ay tumikhim.
"Mataas ang sales natin kapag siya ang naging model sa department store natin, Sir. I hope you consider my words. Nakausap ko na rin ang chairwoman ng Top Group at sang-ayon siya rito." Paliwanag ni Charlie.
Sumandal ako sa swivel chair at hinilot ang sentido. Wala namang problema kung magiging model ng department store namin si Annie. Kaya lang, iniisip ko si Lilo. Hindi ko alam ang mararamdaman niya kapag nalaman niya ito.
"I'm married Charlie," sabi ko sa mababaw na tono.
Ngumisi siya sabay tango.
"Alam ko naman po iyon, Sir.
