SUNOD-SUNOD ang pag-doorbell ni Mirathea sa labas ng gate ng mansion ng mag-asawang Jenina at Drake Rafael. At habang hinihintay na may magbukas ng gate ay sinubukan na naman niyang tawagan si Lawrence.
“Please, answer me…” mahinang aniya, habang nakadikit ang phone niya sa kaniyang taenga.
Panay lang ang ring sa kabilang linya hanggang sa operator na naman ang sumagot, kagaya ng mga naunang tawag niya.
Sinubukan niya ulit pero hindi na niya ito makontak. Tila nakapatay na ang phone nito. Napatingala siya para pigilan ang maiyak na naman ulit.
Ang dilim ng langit. Para bang nakikidalamhati rin ito sa nararamdaman niya ngayon. Pumikit siya nang humangin ng malamig.
Isang malakas na busina mula sa kaniyang likuran ang umalog sa kaniyang utak.
Napaigtad siya at gulat na tumabi dahil n
