UNFAITHFULLY YOURS
Joemar Ancheta
Chapter 38
Daniel’s Point of View
“James kunin mo si Vicky. Baka magya siya diyan sa gagong ‘yan na maging suwail. Saka baka may sakit na rin ‘yan sa pakikipagtalik. Malay ba natin baka naman may AIDS na ‘yan!”
Lumapit si James. Mabilis niyang hinila si Vicky palayo sa akin. Nakita ko ang mga luha sa mga mata ni James. Umiiyak din ito. Iniiyakan niya ang nangyayari sa akin.
“Ikaw, anong ginawa mo? Di ba pinababantayan ko sa’yo ang kapatid mo?” dinuro ni Papa si James. “Nalusutan ka ha, gago!”
“Maaga ho kasi akong natulog ‘Pa.”
“Ibig sabihin tatanga-tanga ka. Kagaya ka ng Mama mong tatanga-tanga! Lahat kayo rito tanga!”
Nang matapos kong mailagay sa maleta ko ang mga damit ko ay mabigat ang mga paa kong lumabas sa
