THE EX-CON’S COUNTERATTACK – CHAPTER 8
THIRD-PERSON’S POINT OF VIEW.
Hindi matukoy ni Amara kung bakit kasama niya ngayon sa isang restaurant ang lalaking kanina pa siya tinatawag na tanga. Kaharap niya ito sa isang lamesa rito sa isang mamahaling restaurant na kailan man ay hindi pa niya napapasukan dahil tanging sa mga karenderya at ang luto lang ng kaniyang Papa ang natitikman niya. Tinatanong niya ang sarili, kung bakit sumama siya hanggang dito ngunit wala siyang makuhang sagot. Ang alam lang niya’y kailangan niyang makuha ang bayad ng mga bulaklak. Isa pa’y hindi nawawala sa isipan niya ang naging eksena nila kanina sa parking lot.
Sumunod si Amara hanggang sa makarating sila sa parking lot nitong building. Hindi niya maintindihan kung bakit pinagtitinginan sila
