THE EX-CON’S COUNTERATTACK – CHAPTER 10
AMARA’S POINT OF VIEW.
Abala ako sa pag-aayos ng mga bulaklak at hindi pinapansin ang mga costumer na labas-masok sa aming shop. May mga nakahanda na rin namang mga bouquet ng mga bulaklak kaya wala akong masyadong ginagawa, unless kung may nagpapa-customize ay doon lang ako kumikilos. Nandito lang ako sa counter at kung minsan ay lumalabas ako dahil tinutulungan ko si Papa mag-entertain ng mga bumibili.
Pero ngayon ay abala ako sa isa na namang bouquet na dadalhin ko mamaya kay sir Barry. Hindi ko alam kung para saan ang mga bulaklak na ‘to. Last time kasi ay iniwan lang niya ito roon sa kaniyang opisina nang umalis siya pero hayaan na, nagbabayad naman siya ng tama at sobra pa nga ang binabayad niya. Wala na akong pakiala
