Simula magkaroon ng mini-playground ang kapitbahay ay halos hindi na umuwi sa kanya ang kambal. Pagkagising pa lang ng mga ito ay kaagad nang nagpapaalam ang dalawa na mangangapitbahay, at kahit pigilan niya pa ang mga ito ay wala ring silbi dahil madalas lang siyang takasan ng dalawa. Ang mas ipinagtataka niya ay wala siyang ibang bata na nakikita sa bakuran maliban sa dalawang anak. At ni minsan ay hindi rin niya nakita ang may-ari nito. Nakakaramdam na tuloy siya ng matinding curiosity. Kahit pa hindi siya sumasama sa dalawa, binabantayan niya naman ang mga ito mula sa garden. Hindi niya inaalis ang tingin sa dalawang paslit hanggang sa mapagod ang mga ito at umuwi ng kusa.
Nang araw na iyon ay lakas loob siyang nagtungo sa dating bahay ni grandma. Gusto niyang makita kung bakit humal
