Habang nasa Pilipinas sila ay matiyagang tinuruan ni Yaya Lumeng ang mga apo ng salitang tagalog, tuwing umaga ay may special lesson ito sa matanda habang nag-aalmusal sa hardin at tuwing hapon kapag nagme-merienda ang mga ito. Minsan nga ay naririnig niya pa na kumakanta ang tatlo ng old opm songs. Hinahayaan na lang ni Harrieth ang matanda dahil simpleng kaligayahan lang ito ng taong nag-alaga sa kanila ni Stefano noong araw. Gaya na lamang ng hapon na iyon, nakasalampak ang kambal sa may bermuda grass habang tinuruan naman ni Yaya Lumeng ng wikang tagalog ang mga ito. Masunurin at magalang ang dalawa kaya never niya pang nakitang nagalit ang matanda. Maliban na lang kung umatake na naman ang pagkapilya ni Nevaeh na sa awa ng Diyos ay hindi pa rin nawawala sa sistema niya.
"Loving the v
