Buong maghapon na iniwasan ng dalaga ang binata. Hindi niya matagalan ang mapanuksong titig at ngiti nito. Alam niya na may nakita o narinig ito kaya ganoon na lamang kung mang torture ang kumag. Hindi siya sumunod nang ipatrabaho nito sa kanya ang pagtatanim ng punla ng mais, sa halip nakipag-kwentuhan siya sa ilang kababaihan ng farm. Lahat sila ay mga misis ng mga tauhan ng binata, 'yun nga lamang, hindi pinapayagan ni Stefano na magtrabaho ang mga ito sa gitna ng arawan. Ang gusto ng binata ay mag focus ang mga ginang sa pag-aalaga ng bahay at pagbabantay sa kanilang mga supling. Ang tanging trabaho lang ng mga ito ay ang magluto ng pagkain ng mga trabahador at siyempre pati na rin kay Stefano.
Nakilala niya si Mia, ang misis ni Arnel, mayroon silang isang lalaking anak na isang taong
