AVA
“Diskompyado ako kay Candy. Hindi maganda ang kutob ko. Kailangan mo mag-ingat sa kanya. Hindi natin alam kung ano’ng gagawin niya, alam na niya buntis ka.”
Mas lalo akong nangamba sa sinabi ni Kara. Tama siya. Kailangan kong mag-ingat.
“Kailangan ko bang umalis dito para hindi na niya ako guluhin?” Tanong ko. Hindi ko alam kung ano ang dapat kong gawin.
“Mas lalong malaking ekis ang iniisip mo. Mas mabuting nandito ka para mabantayan ka namin. Kung malayo ka walang magtatanggol sa iyo. Sigurado magha-hire ng tao ang babaeng iyon. Sasabihan ko ang kuya ko at mga kapitbahay namin kung sakaling may magtangka sa iyo. Hindi puwedeng wala tayong hakbang na gagawin.” Nagbuntonghininga si Kara. Nahihiya na ako sa pamilya nila Kara. Ako na nga itong nakikitira sa kanila, binibigyan ko p
