MAS pinili kong matulog sa malapad na couch. Talagang namumuro na si Royce sa akin. Una, ang ilang beses nitong paghalik sa aking mga labi. Pangalawa ang pagtulog nito sa sarili kong kama. Kung wala lang talaga akong puso, malamang sinipa ko na ito palayo sa sarili kong kama.
Narinig kong nag-vibrate ang aking cellphone. Nagulat ako ng makita si Tita Emma na tumatawag. Kunot-noo na sinagot ko ito.
"Tita napatawag ka?"
"Aba, Au. Nalaman namin kay Rosalie na absent ka raw dahil kay Royce?" Palatak ni Tita Emma sa kabilang linya. At hindi nakaligtas sa aking pandinig ang ilang mga palatak din nina Tita Romeshell at Tita Edna. Mukhang malalagot si Royce sa mga Tita kong mataray. Napangiwi ako.
"Tita, tama po 'yon," sagot ko rito.
"Hintayin mo kami bukas at talagang makakatikim sa amin
