Nananaginip lang ba ako?
Pakiramdam ko, totoo ang lahat ng nakita ko at naramdaman. Pati iyong kaba na naramdaman ko kanina.
Maya-maya pa ay mayroong isang lalaking nakaputi ang dumaan sa aking harapan.
"Oh, ma'am. Gising ka na pala. Yung kasama niyo po, bumili lang daw ng pagkain. Pagaling kayo ma'am," wika niya.
Nang tuluyan nang magising ang diwa ko, saka ko lang na realize na nasa hospital pala ako at ang lalaki kanina ay isang doctor.
Maya-maya pa ay dumating na si mama na mukhang alalang-alala.
"Anak. Ayos ka lang ba? May problema ba?" agad niyang tanong.
"Mama, ayos lang po ko. Baka sa puyat lang po," pagdadahilan ko.
"Anong puyat! Akala mo ba ay hindi ko alam?" saad niya at saka biglang nagbago ng kaniyang ekspresyon.
Dahil sa nakita ko ay kinabahan ako. Pakiramdam
