"Kapitan ikinalulungkot po naming ibalita na hindi na po namin matagpuan si Chairman." Garil ang boses at nakayukong pagbabalita ng isang kabataan na tumutulo pa ang damit mula sa tubig-ulan ng pumasok ito sa Barangay Hall.
Natigalgal ang lahat ng tao na nakarinig, lahat sila ay nakatuon ang pansin at naghihintay sa magiging reaksyon ng Punong barangay.
Napayuko ang matandang Kapitan sandaling natahimik. Naisip nya na hindi siya dapat magpatalo sa emosyon sa pagkawala ng mahal na anak na panganay na katu-katuwang niya sa buhay. Dapat niyang tanggapin ng maluwag sa dibdib kung sakali mang nagbuwis nga ito ng buhay dahil naging makabuluhan ang pagkawala nito sa mundo.
Malungkot man ang kasawiang sinapit ng anak subalit kailangan niyang unahin na saludarin ang mga kababaryo na nasa baranga
