"Good morning, Beth!" Pagkapasok ko ng room ay narinig ko na agad ang bati ni Krisha.
"Good morning," bati ko rin sa kanya. Naupo na ako sa tabi ni Clea.
"Kamusta ang date?" Bigla niyang tanong sa 'kin at ngumiti pa siya na parang nang-aasar.
"Anong date?" tanong ko sa kanya. Tumingin siya bigla kay James na nakangisi.
"Nakita niya kayo Sindro kahapon sa mall," sabi niya habang tinuturo si James.
Tumingin ako kay James at sinamaan siya ng tingin.
"Friendly date lang 'yon," sabi ko sa kanila. Tinignan lang nila ako na parang hindi naniniwala.
"Friendly date lang talaga? Sa mga ganyan nagsisimula ang lahat," pang-aasar pa lalo ni Clea sa'kin.
Magsasalita pa sana ako kaso biglang dumating yung teacher namin.
Naglalakad kami ngayon ni Clea papunta sa cafeteria para mag lunch.
