MICHELLE’s POV
Napakunot ang noo ko nang makitang napakaraming inilalagay na damit ni Vina sa loob ng bag na aking dadalhin para sa pagpunta namin sa isang beach resort kasama ang boyfriend nitong si Denver.
Michelle: Bakit ang dami naman niyan? Para naman akong maglalayas. Two days and one night lang naman tayo roon.
Narinig ko ang mahinang hagikgik ni Vina kaya nilingon ko ito.
Michelle: Mukhang may kapilyahan ka na namang naiisip.
Umupo si Vina sa gilid ng kama na aking ginagamit dito sa bahay ng mga Arguelles.
Vina: Ano ka ba? Need mong mag-change outfit every hour dahil mukhang susulitin ka ni Papa Ian sa beach resort. May pakiramdam akong walang labasan ng kuwarto ang gagawin ninyong dalawa.
Napangiwi pa ako dahil isang malakas na tili ang pinakawalan ni Vina matapos sabihin i
