Maglilimang araw na mula nang bisitahin siya ni Raymond, medyo maayos na rin ang kanyang pakiramdam kaya naman kahit nanghihina pa ay ganado siyang bumalik sa opisina.
Napatigil na lang siya sa masayang paglalakad sa pasilyo nang makita ang isang lalake na nakaupo sa kanyang lamesa. Abala pa ito sa ginagawa sa laptop nito kaya hindi siya napansin.
Ganoon na lang ang kunot ng kanyang noo habang papalapit dito. "Sino po sila?" kaway na lang niya upang balingan nito.
"Hello," ngiting bati nito, "I'm sir Vincents secretary."
Napatango na lang siya, pero mas nabagabag lang sa nalaman. "Huh, nasaan si sir Raymond?" napalunok na lang siya ng mapait dahil sa kung anong kaba sa walang pasabing pag-alis nito.
"Ay, hindi niya ba nasabi sa iyo, nasa out of town meeting siya."
Ganoon na lang
