"Sister, ikaw ba yan?" bati ni Delila pakalapit niya sa tindahan para bumili ng softdrinks.
Napansin kaagad ng mga kaibigan ang suot niyang fitted na t-shirt at shorts na maong.
"Ay ate, blooming!" masaya naman turan ni Paloma.
"Winner ka ate!" dagdag naman ni Rosana.
Napangiti na lang siya sa mga ito, kahit hindi ganoon kaiksi ang shorts niya ay maganda pa rin itong tingnan dahil sa pagkakahapit sa kanyang katawan at hindi kabastos-bastos ang hitsura.
"Pagbilhan niyo na lang ako ng softdrinks," naiilang niyang sambit.
Napapapalakpak pa kasi ang mga kaibigan niya habang walang patid ang tingin sa kanyang suot dahil halatang naninibago ang mga ito sa hitsura niya.
Nagtaka na lang siya nang biglang tumahimik ang mga ito sabay taas ng kilay, humalukipkip pa si Rosana habang bumus
