Chapter 26
Mabilis kong naramdaman ang pagkirot ng aking ulo ng magmulat na ako ng aking mga mata. Puting silid ang unang bumungad sa akin, na tanto ko ay isang clinic dito sa loob ng resort.
Dahan-dahan akong bumangon upang tingnan kung may ibang tao sa loob, ngunit wala. Mayroon na ding benda ang parte ng aking noo na natamaan ng hollow block. Hindi na din ako nakakaramdaman ng hilo, hindi kagaya kanina na halos hindi ko na makita ng maayos ang aking dinaraanan.
Miski isang nurse ay wala din akong nakita sa loob ng clinic kaya nakapagdecide akong lumabas na muna dahil nagugutom na rin ako. Babalik na lang siguro ako mamaya para alamin kung malala ba itong nangyari sa akin or kung may kailangan ba akong inuming gamot.
Pagkalabas ko ng clinic ay kaagad kong nakita ang papalapit na bult
