"Dito ka na sa akin matulog," hinaltak ni Brix ang braso niya kaya na-off balance siya at napakapit sa balikat nito. "Tatanggalin mo pa ang tape, remember."
"Grabe ka naman, Bakla, kung makahaltak!" sumimangot siya. "Hindi naman ako nagpaalam kay Nanay."
"Nagpaalam na ako kanina," dinukot nito ang cellphone mula sa hawak na purse. "Look," kinuha niya ang mobile mula dito at binasa. Totoo ngang nagpaalam ito sa kanyang ina.
"Nakakaloka ka! Nagdedesisyon kang mag-isa," pero pumasok na din siya sa kuwarto nito. Pagpasok pa lang ay tinatanggal na niya ang suot na stilettos dahil nangangalay na ang paa niya. Nang lumingon siya ay dinadampot iyon ni Brix para ilagay sa isang lugar ng kuwarto.
"Ang kalat mo," sita nito sa kanya. "Yung damit mo nandiyan pa naman kaso bukas mo na i
