Liza
Hindi ko na ikinagulat nang bumalik si Kuya Leighton sa bahay namin. Kahit na masamang isipin pero nagustuhan ko ang pagbabalik nya dahil alam kong nakalimutan na nya si Ate Charm.
Siguro nga ay kagaya lang ng ibang babae na nagdaan sa buhay ni Kuya si ate, madali nya lang ding pinagsawaan ang isang Charmaine Dela Torre.
Kahit kaunti ay biglang lumuwag ang dibdib ko dahil hindi na ako maaawa sa kapatid ko sa oras na dukutin ang ex nya. Hindi naman kasi sya marunong magpahalaga sa nararamdaman ng mga babae kaya marahil ay ipagkikibit balikat nya lang kapag nalaman nyang nakidnap na namin ang ex-girlfriend nya.
At para kay Ate Charmaine naman, alam ko namang makakaligtas sya sa mga kamay ng sindikato. Mayaman ang pamilya nya at naniniwala naman ako na hindi sya pababayaan ng mg
