Biglang napahawak ako sa aking batok nang makaramdam ng kakaibang kilabot na gumapang sa aking buong katawan. Sa hindi malaman na dahilan ay biglaan ako kinutuban ng masama. Mabilis na tumibok ang puso ko at nanginig ang mga kamay ko sa hindi malaman na dahilan.
Para bang may hindi ako inaasahan na mangyayari. Kaya natatakot na inilibot ko ang tingin sa aking paligid. Na para bang may hinahanap ako na maaaring ikapahamak ng aking buhay sa oras na ito.
"Vana?" nag-aalalang pagtawag ni Devon sa aking atensyon at bahagyang tinapik pa ako sa kanang balikat, "Uy ayos ka lang ba? Bakit bigla ka na lang napatigil sa pagsasalita?"
Doon ko lang naalala na nasa kalagitnaan kami ng pagpla-plano nang bigla ako matigilan mula kakaibang naramdaman. Pilit na ngumiti naman ako sa kanilang lahat at bina
