CHAPTER 40
Pagpasok ni Addie sa casa hacienda, nasa bungad na agad si Donya Serafim. Naka-kibit balikat. Mapungay na ang mga mata at pulang pula na ang mukha.
“So, pwede mo na’ng hubarin ‘yang props mong gown, isauli na sa nirentahan mo at magsuot ka na ng pang katulong mong uniform,. Tapos na ang pag daydream mo, Cinderella,” pang-aasar ni Serafim at humalakhak na parang lokaret na stepmother ng Disney princess.
“Mom, umakyat ka na. Buti nasa katinuan ka pa hanggang matapos ang party. Ang dami mong nainom,” sabi ni Simon at sumenyas kay Almiro, ang gwapong bodyguard ni Serafim na halata namang isa niyang sugar baby.
Lumapit si Almiro, inalalayan si Serafim at binuhat ang donya paakyat ng hagdan hanggang sa kwarto nito. Siguradong bukas ito babawi kay Addie at bukas sila magtutuos.
