CHAPTER 93
Simon’s PoV
Mukhang tama nga ang naging instinct koo premonition ba ang tawag dito? Sa gitna ng tawanan at kasayahan, habang abala ang lahat sa kainan at kantyawan, biglang bumungad si Peter, ang kanang-kamay ni Gabriel. Humahangos siya, pawis na pawis, at agad naming naramdaman ang bigat ng dala niyang balita.
“Sir Gabriel! si Don Ricardo! Naghihingalo na po.”
Natigilan ang lahat. Para bang isang iglap ay tumahimik ang buong paligid. Ang mga baso at pinggan na kanina lang ay kumakalansing at mga tawanan at hagalpakan, ngayon ay biglang naglaho sa kawalan. Nakita ko si Gabriel na parang nanlalamig at halos hindi makagalaw sa kinatatayuan. Ang saya ng mga mata niya ilang minuto lang ang nakakalipas dahil sa gender reveal na natupad na rin sa wakas na baby boy ay palitan ng lu
