Chapter 44
“Ang saya ng kuwentuhan ninyo ah? Mukhang matagal mo nang kilala itong kasama ni Pika, anak?” tanong ni Gwen.
Tumango naman si Pen sa itinanong ng ina nito. Tumayo si Pen at yumakap sa ina. Humawak pa ito sa umbok sa tiyan ng ina at hinimas iyon.
“Opo, nanay! Siya po si Sayah, kaibigan ko po siya doon sa lugar kung saan ako napunta. Isa po sa mga mababait kong nakasama.” Sabi ni Pen.
Lumiwanag naman ang mukha ng ina ni Pen sa narinig. Maamo ang mukha ni Gwen, mayroon itong biloy sa kaliwang pisngi, kahit na apat ang anak nito ay nakikita niya na parang hindi pa rin tumatanda ang babae dahil sa itsura. Mukhang ang isa sa dahilan kung bakit hindi ito tumatanda ay dahil palaging nakangiti.
“Naku, maraming salamat at isa ka pala sa naging kaibigan ng aking anak. Malaki ang akin
