Chapter 16
“Kailangan mong matutong makiramdam sa paligid, ang mga bampira ay basta na lamang lumalabas sa kung saan-saan,” sabi ni Xen.
Nakatayo si Sayah sa gitna ng ilog sa ibaba ng bundok. Matapos kasi nilang akyatin kanina ang itaas ng bundo ay pinatakbo naman siya ni Xen pababa. Ilang beses na siyang muntik na madapa dahil sa mabilis na pagtakbo paibaba.
“Tumayo ka ng diretso!” sigaw ni Xen sa kanya.
Naipikit ni Sayah ang kanyang mga mata dahil doon. Saglit lang naman siyang napayuko dahil nananakit na ang kanyang balikat at ulo ngunit kaagad itong nakita ni Xen.
Sa sobrang strikto nito sa pagtuturo ay kahit ang paghinga niya ay hindi na normal.
Naglalakad si Xen sa damuhan ng pabalik-balik habang siya naman ay nasa gitnang bahagi ng ilog. Ang mga palad niya ay magkadikit at t
