KINUHA ni Laura ang tote bag at inilagay niya doon ang ilang gamit na dadalhin niya sa pagpi-picnic nila sa sapa. Sa ilalim din ng suot niyang maluwag na puting t-shirt ay nakapaloob na doon ang one piece suit niya. Tatanggalin na lang niya ang t-shirt kapag maliligo na siya.
Nagyaya kasi si Jake na mag-picnic sila sa sapa noong nakaraang araw. Hindi natuloy ang pamamasyal nila sa buong Hacienda kaya gusto na nitong matuloy iyon. But this time ay gusto nitong mag-picnic sila sa sapa. Pinagbigyan niya ito dahil nakakahiya naman itong tanggihan dahil bisita ito. Nasabihan nga din niya sina Manang Andi tungkol doon para makapaghanda ang mga ito sa dadalhin nila.
At nang matapos si Laura ay humakbang na siya palabas ng kwarto. Dumiretso siya sa kusina para tanungin sina Manang Andi kung ok
