KUMABOG ang dibdib ni Laura nang pagmulat niya ng kanyang mga mata ay agad na sumalubong sa kanya ang nakapikit na mukha ni Draco. Napansin nga din niya na nakapulupot ang mga braso nito sa katawan niya.
Ibinalik niya ang atensiyon sa mukha nito. Ang himbing ng tulog nito at napansin din niya ang maaliwalas na mukha nito na para bang ang sarap-sarap ng tulog nito. Na para bang may napapanaginipan itong maganda.
Sa totoo lang, aaminin ni Laura ang sarap din ng tulog niya kagabi. Hindi niya alam kung dala ba sa lamig o sa bisig ni Draco na nakalupot sa katawan niya. Pero mukhang dahil iyon kay Draco dahil gustong-gusto niya ang hatid ng init na katawan nito.
Sa totoo lang din ay naguguluhan si Laura sa nararamdaman niya para kay Draco, lalo na ang nararamdaman ng puso niya pagdating di
