P O T R I C K
NANG magising ako, nakahiga na ako sa sarili kong kama. Hindi ko alam kung paano ako napunta rito. Ang alam ko lang, lasing ako kagabi.
Hindi ko nagawang bumangon agad. Nanatili ako sa aking pagkakahiga. Nakamulat na ako pero nakatulala sa kisame ng kwarto. Nang lumingon ako sa kabilang side kung nasaan ang kama ni Basti, wala siya doon. Anong oras na ba?
Alas otso na.
Mabuti nalang at Sabado ngayon. Mukhang masyadong napa-sarap at humaba ang tulog ko kaya late akong nagising ngayong araw. Usually kasi ay hindi pa sumisikat ang araw, kahit weekend pa 'yan, nagkakape na ako.
Pilit kong inalala ang mga nangyari kagabi. Habang ginagawa 'yon, bigla akong nakaramdam ng kaunting pagpintig sa aking ulo. Indikasyon 'yon ng pagsakit nito. Tolerable naman at hindi gaanong nakakain
