“Hindi ka naman sa akin pero… hindi ko alam kung bakit gusto kitang ipagdamot.”
Hindi malaman ni Ashleigh ang gagawin dahil tila paulit-ulit niya lamang na naririnig ang seryosong tinig ni Angelo nang sabihin sa kanya nito ang mga salitang iyon. Halos hindi siya nakatulog ng maayos kagabi sa kakaisip doon. Na maging sa panaginip ay dinalaw pa rin siya nito.
Bukod doon ay hindi rin siya tinatantanan ng puso niyang labis na nagwawala sa kanyang loob. Na para bang nanalo ito sa lotto sa grabeng pagwawala nito sa tuwing paulit-ulit na naglalaro sa isipan niya ang mga salitang iyon na binitiwan sa kanya ng lalaki.
“Ito na ba talaga ito? Mukhang… in love na yata talaga ako. Mukhang seryoso na talaga ‘tong nararamdaman ko!” pagkausap niya pa sa kanyang sarili, na tila ineeksamina ng mabuti ang
