“Naiinis ako sa pagmumukha mo! ‘Wag ka nga munang magpakita sa’kin.”
Hanggang ngayon ay hindi pa rin mawala sa isip ni Janus ang mga binitiwang salita ni Indira. Hindi na n’ya ito maintindihan. Bigla-bigla ay naging bugnutin ito at madalas pa s’yang hindi pinapansin. Mainit pa ang ulo nito sa tuwing kinakausap n’ya ito. Wala naman s’yang naalalang may nagawa s’yang kasalanan dito.
Napabuga s’ya ng hangin sa labis na kalituhan. Napasabunot pa s’ya sa kanyang buhok dahil hindi n’ya alam kung ano ang kanyang gagawin upang amuhin ang kanyang asawa. Minsan kasi ay sinubukan n’yang makipag-usap dito upang maliwanagan s’ya sa nangyayari dito ngunit bigla na lang itong umiyak. Nataranta pa s’ya. Isang taon pa lang silang kasal ay ganito na’t grabe kung magtampo si Indira nang walang dahilan.
Hi
