ELISE:
"Ada, puwede mo ba akong samahan?" tanong ko kay Ada. Bahagyang nagulat ito.
"Ano pong ibig niyong sabihin Ma'am? Saan po tayo pupunta?" Punong-puno ng pagtataka ang kanyang mukha.
"Susundan natin sina Tyler."
"Ma'am hindi po talaga puwede. Pasensiya na po." Napabuntong hininga nalang ako dahil sa sagot nito. Mukhang mahihirapan akong kumbinsihin siya na samahan ako.
Hindi nalang ako nagpumilit pa, mag-iisip nalang ako ng paraan kung paano ko siya malulusutan.
Aakyat nalang muna ako sa kuwarto namin ni Tyler para makabuo na rin ako ng plano.
Naramdaman kong hindi sumunod sa'kin si Ada kaya medyo nakahinga ako nang maluwag. Makakakilos ako nang maayos dahil walang magbabantay sa'kin.
Nagmamadali akong naglakad patungo sa kuwarto at nang akmang pipihitin ko na ang pinto ay
