“Anong balita naka usap mo na ba?” tanong ni Shiela habang kumakain ng mansanas. Kakatapos lang ng quiz namin kanina kaya andito kami ngayon sa Restaurant. Hindi na ako dumaan sa Hospital dahil kailangan ko ng pumasok at hinahanap na ako ni Kuya Ray dahil kulang daw sa tauhan ang Restaurant.
“Hindi pa nga, di ko alam kung papaano ko ba makakausap ang may ari ng Hospital na iyon.” ani ko habang naupo sa bakanteng upuan sa harapan ni Shiela. Kakatapos ko lang ipamigay ang mga order kaya makakapag pahinga muna ako kahit saglit hanggat walang dumadating na customer.
“Try mo kaya ulit pumunta doon, pilitin mo yung nakausap mo kahapon.” suggestion ni Shiela na kinailingan ko.
“Baka magalit pa sa akin ang mga iyon at palabasin ako ng Hospital pag nag pumilit pa ako.” tumayo na ako dahil kat
